ببني أنظمة وبواقع للشركات الصغيرة، وبضل مسؤول عنها بعد التسليم.

الشغل

ستة مشاريع، وما قرّرته فيها

مش معرض لقطات شاشة. كل واحد مكتوب على شكل قرار — وشو كنت بغيّره اليوم لو رجعت.

• Cache Team

  منصة مصادر ودعم لطلاب جامعة الزيتونة، خدمت أكثر من ١٠٠ طالب.

  شو بغيّر اليوم

  ما قِسنا إشي. ما كان في أي مؤشر يقول أي مادة بتنفتح فعلاً وأي وحدة ما حدا فتحها. اليوم أول شي بضيفه قبل أي ميزة هو تتبّع بسيط للاستخدام — بنينا على الحدس لمدة فصل كامل.

• React Zero to Hero

  كورس React للمبتدئين، مبني كتطبيق شرائح بدل فيديو.

  شو بغيّر اليوم

  بنيت الكورس بالترتيب اللي أنا فهمت فيه React، مش بالترتيب اللي المبتدئ بيحتاجه. أول ثلاث شرائح بتحكي عن مفاهيم ما بتظهر فائدتها إلا بعد أسبوعين. لو رجعت، بأبدأ من شاشة شغّالة وبرجع للمفاهيم لما يحتاجها.

• عياداتي

  منصة حجز مواعيد طبية.

  شو بغيّر اليوم

  بنينا لوحة العيادة قبل ما نجلس مع موظفة استقبال وحدة ونتفرّج عليها وهي تشتغل. صمّمنا اللي تخيّلناه إنه سير العمل، مش اللي هو فعلاً. أي مشروع فيه مستخدم داخلي، بصير أجلس معه قبل ما أفتح المحرر.

شوف الستة كلها